Asociación Galega de Violonchelistas
Sobre Soncello
Soncello é unha asociación que reúne aos que temos unha paixón en común: o Violoncello . Somos persoas con procedencias diversas que sentimos ao violoncello como o noso compañeiro de viaxe, a nosa voz, a nosa ferramenta de traballo, a nosa afección. De aí a elección do nome Soncello: voz, identidade e música incluídas nun único termo. Cremos que a unidade é a forza e a nosa intención é que os que así sintamos o violoncello traballemos xuntos compartindo música e actividades. Cremos que a unión fai a forza e a nosa intención é que os que sentimos o violoncello deste xeito traballemos xuntos compartindo música e actividades. Xa somos case 100 persoas as que integramos Soncello. Se es violoncellista profesional, estudante, amateur ou che sentes vinculado dalgún modo especial ao violoncello, entra a formar parte da nosa asociación.
Obxectivos da asociación:
Xuntanza Soncello: Xornada(s) de carácter anual na cal asociados, simpatizantes e afeccionados ao Violoncello poden compartir en vivo a súa paixón a través de actividades diversas relacionadas co violoncello.
Concursos enfocados fundamentalmente a estudantes de Violoncello dos Conservatorios, Escolas e Academias de Música de Galicia co obxectivo primordial de motivar de face ao estudo e a superación persoal.
Cursos e Masterclasses impartidos por contrastadas figuras do noso instrumento tanto no campo interpretativo como no docente. Do mesmo xeito entendemos fundamental a organización de conferencias e cursos de materias relacionadas e que enriquezan e complementen a formación musical dos violoncellistas (técnicas de relaxación, orientación ao mundo profesional, técnicas de superación ao medo escénico, preparación física para o estudo, encontros de docentes, etc.).
Directiva:
Caroline Landriscini
Presidenta
Isabel Figueroa
Tesoureira
Isabel Font
Secretaria